SUMMI REGIS COR, AVETO
Background:
Hermann Joseph, a Premonstratensian Canon of Steinfeld in the 12th Century, was the first to write a Hymn to the Sacred Heart. The text below is a reconstruction by Reverend Clemens Blume (1909). This text appeared in the Dissertation of Reverend Herman Joseph Rettig, 1884, a Premonstratensian of the Abbey of St. Michael in Csorna. It has been provided to us through the kindness of Reverend Hubert Szanto of St. Michael's Abbey, Orange, California:
- "Summi regis cor, aveto,
- "Te saluto corde laeto,
- "Te complecti me delectat "
- "Et cor meum hoc affectat;
- "Ut ad te loquar, toleres.
- "Quo amore vulnebaris!
- "Quo dolore torquebaris,
- "Cum te totus exhaurires,
- "Ut te nobis impertires
- "Et nos a morte tolleres!
- "O mors illa, quam avara,
- "Quam immitis, quam amara,
- "Quae per cellam introivit,
- "In qua mundi vita vivit,
- "Te mordens, cor dulcissimum!
- "Propter mortem, quam tulisti,
- "Quando pro me defecisti,
- "Cordis mei, cor dilectum,
- "Totum in te fer affectum;
- "Hoc est, quod opto plurimum.
- "Per medullam cordis mei,
- "Peccatoris atque rei,
- "Tuus amor transferatur,
- "Quo potenter vulneratur,
- "Quicunque te complectitur.
- "Illo fonte me fecunda,
- "Salva, sana, fove, munda,
- "Ex te laute qui manavit
- "Totum hominemque lavit,
- "In te hasta dum flectitur.
- "Dilatare, aperire,
- "Tamquam rosa fragrans mire;
- "Cordi meo te coniunge,
- "Unge illud et compunge;
- "Qui amat te, quid patitur!
- "Quidnam amat, nescit vere,
- "Nec se valet conhibere,
- "Nullum modum dat amori,
- "Multa morte vellet mori,
- "Amore quisque vincitur.
- "Vivas! vivas! tibi clamo,
- "Dulce cor, te namque amo;
- "Ad cor meum inclinare,
- "Ut se possit applicare
- "Devoto tibi pectore.
- "Tuo vivat in amore.
- "Ne dormitet in torpore;
- "Ad te oret, ad te ploret,
- "Te adoret, te odoret
- "Te fruens omni tempore.
- "Rosa cordis, aperire,
- "Cuius odor fragrat mire;
- "Te dignare dilatare,
- "Fac cor meum anhelare,
- "Dulcem odorem sapiat.
- "Ad te trahe tu cor meum
- "Nec me spernas, pie, reum,
- "Ut iam tibi sit vicinum,
- "Infer intra tuum sinum,
- "Ut se in te inveniat.
- "Hic repauset, hic moretur;
- "Ecce, iam post te movetur,
- "Te ardenter vult sentire,
- "Vult patenter introire,
- "Ut bene de te sentiat,
- "Tu tuorum iam dulcedo,
- "Ego totum tibi me do,
- "Totus in te introire
- "Volo, noli contraire,
- "Cor tuum me suscipiat.