FROM MY HEART

ad reliquas D. Norberti, Pragae in Strahovia praesentando Divo Norberto

O Decus Ecclesiae Christi, sanctissime Praesul,

Dicere quen Patrem gloriatur dandida turma;

En successorum seriem qui claudo tuorum,

Exuvias vivo si non licuit venerari

Sacras, oblato saltem nunc corde saluto.

Sancta tua, heu! periit plantatio; raptor iniquus

Invasit Praemonstratum, fere totus et Ordo

Perditus interiit praeclarus; vixque supersunt

Relliquiae tenues, quas servas, tu optime Caesar,

Relligionis amator, vitrutum columenque,

Si qua fides scriptis, Norberto sanguine junctus[1],

Ah! semper maneant; maneat Strahovia semper[2]!

Ex ipsis atque exurgant frutices aliquando

Queis tuus inter eas cultus, Norberte, perennet,

Haec vivus voveo, moriens hoc usque vovebam.

Tu Christum mihim propitium fac, O Pater alme.

 

---

NOTAE:

[1]  Divus Norbertus matrem habuit Hadwigem ex antiquissima et nobilissima principum Lotharingorum familia.

[2]  Strahovia inclyta canonia ordinis Praemonstratensis in urbe Praga.